Pandawa Lima
Dina carita wayang, aya anu disebut Pandawa Lima. Ieu téh jujuluk pikeun lima pendekar, Putra Prabu Pandu Déwata. Éta pahlawan anu lima téh nya Éta Yudistira, Bima, Arjuna, Nakula, jeung Sadéwa.
Pandawa Lima téh kawéntar pendekar anu gagah, sarta teuneung ludeung dina ngabéla bebeneran. Musuh Pandawa téh nyéta Kurawa tu ngara Astin. Perangna Pandawa jeung kurawa disebut Peratang Batara Yudda, tempatna di Tegal Kurusetra. Kurawa ahirna kasoran. Pandawa unggul dina perangna, sanajan ti dua pihakanana ogé loba korban.
Yudistira téh cikalna. Ku kituna boga hak jadi raja di Amarta. Yudistira sakapeung sok disebut Semiaji, sipatna tara bohong. Lamun nyarita sok Satarabasna, tara aya anu disumputkeun. Yudistira boga jimat Layang Kalimusada.
Bima anak aku kadua, sok disebut Werkudara atawa Aria Séna. Pangawakanana jangkung gedé, kawéntar ku tanagana nu bedas, sipatna bernafsu, ana nyarita sok teugeug jeung teu bisa alon, tapi ari haténa mah beresih.
Arjuna atawa Janaka pangawakanana jangkungleutik tur rupa kasép kacida. Arjuna téh hero anu luhung élmuna tur pariigel dina ngagunakeun pakarang perang.
Yudistira, Bima, jeung Arjuna téh putra Pandu ti Déwi Kunti. Ari Nakula jeung Sadéwa mah putrana ti Déwi Madrim. Nakula jeung Sadéwa téh dulur kembar. Duanana ogé kawéntar pendekar anu tuhu kana papancén. Cag. Dicutat tina buku basa Sunda Piwulang Basa. Pangajaran Basa Sunda Pikeun Murid Sd 4c.