- Adigung : Takabur, boga rasa punjul ti batur.
- Agul : Resep nyaritakeun atawa nembongkeun kabisa atawa pangaboga
- Ancad laer : Nyaritana anca pisan atawa laun.
- Angguklung : Gede hulu, adigung.
- Ancin : Cemi, daharna saeutik.
- Aral : Teu sugema ku kayaan.
- Andalemi : Lungguh timpuh, lemes tingkah lakuna.
- Balabah : Berehan, daek barang bere kabatur.
- Bahula : Teu nurut kanu parentah.
- Basangkal : Budak nu teu nurut ka bodoh.
- Baragajul : Sesebutan ka jalma anu kalakuanna teu eucreug.
- Banci : Lalaki anu kalakuanana cara awewe.
- Baketut : Pasemon nu camberut, goreng kecerdikan, goreng semu.
- Basilat : Licik, teu jujur, curang.
- Bakakasikang : Awewe anu kalakuananacara lalaki.
- Bangor : Nakal, badeur, pikasebeleun, teu nurut kana panyarek.
- Barangasan : Babarian ambek.
- Bawel : Cerewed, loba ngomong (awewe)
- Berewit : Babarian katerap panyakit, mindeng gering, atawa budak nu rea kahayang tur hese dicumponana.
- Bedang : Wangkelang, begedong, murugul mawaa karep sorangan.
- Binekas : Perceka, pinter, loba pokal nu aralus, inovatif.
- Bodo : Belet, kuled uteuk, hese ngarti, hese diajar.
- Biko : Bodo
- Binangkit : Cakep, rea kabisa.
- Boyot : Kendor (leumpang) berdiri barerat awak.
- Bodo Alewoh : Bodo tetapi daek tatanya.
- Bodo Katoloyo : Bodo bari tara daek tatanya.
- Bolon : Can pati nyaho bebeneran, balata-baloto keneh.
- Borangan : Eweuh kawani
- Calutak : Saharti jeung caluntang
- Calakan : Babari ngarti kana pangajaran atawa kana hal nu anyar.
- Calimud : Daek ceceremed, cocorokot, panjang leungeun.
- Cakep : Bisa milampah pagawean sakumaha mistina.
- Caluntang : Teu make bemakrama, teu ngupama ka jalma saluhureun.
- Campoleh : Lelewodeh, henteu junun, lalawora kana gawe.
- Canteng : Tegep, gandang pertentang.
- Careraman : Budak nu kabitaan ku barang nu aya di batur, tuluy mentaaa.
- Capetang : Pinter tur tanpa hambatan ngomong (biasana di larapkeun kana budak)
- Celembeng : Loba ngomong (Budak leutik)
- Cerewed : Awewe nu rewel, loba ngomong
- Cidra : Teu nohonan jangji, jalir.
- Cileureun : Balangah, teu nenjo nu ngaganggu barang nu keur dijaga.
- Cemi : Daharna saeutik.
- Cilimit 1 : Budak nu resep ngaheureuyan ka awewe
- Cilimit 2 : Sok menta kadaharan nu aya di batur.
- Cirigih : Budak nu resep ngaheureuyan batur.
- Cologog : Kalakuan nu teu make tatakrama.
- Cucud : Milampah hiji hal kalawan terus saluran (leukeun) tepi ka jacungna, teu kapalang dina gawe.
- Codeka : Laku lampang goreng ka batur.
- Cucungah : Calutak, nyaluntang, ngalawan kana parentah udik.
- Cuih : Sagala di beja beja, beuki teuing ngomong.
- Culika : Julir, resep nyusahkeun atawa nyilakakeun batur.
- Cudek : Tungi, goreng kecerdikan, omonganana teu matak resep.
- Culanggung : Belegug, teu hormat, teu nyaho tatakrama.
- Curaling : Sok resep pullang-paling, teu beunang di yakin.
- Cupet : Bodo, heureut panalar.
- Cumenos : Budak nyanyahoanan.
- Curang : Licik, sok ngagunakeun nalar tarekah kotor pikeun kauntungan diri sorangan.
- Daria : Migawe hiji hal kalawan enya-enya, teu lelewodeh.
- Dahdahneng :Budak kalakuanana sakapeung ngogo. Sakapeung ngagalakan.
- Darugian : Teu payaan, babari pundung (budak)
- Dedegler : Gampang teu teunggeul bari tara asa asa, taya rasasaan.
- Degig : Apilain ka nu geus wawuh, teu nanya nanya acan, arogan.
- Deleka : Julig, resep nyusahkeun batur.
- Delitan : Budak babari pundung, hese kacumponan kahayangna teu kaopan.
- Dengki : Goreng hate, sok nyilakakeun batur.
- Deugeul : Kurang ingetan.
- Doroi : Julig, resep nyilakakeun batur.
- Dolim : Nempatkeun kasus lain dina hakna, teu adil, bengis.
- Durjana : Jahat, goreng lampah.
- Dursila : Goreng lampang, teu ngendahkeun kasusilaan.
- Elodan : Babari kagoda ku sual sual sejen dina keur ngajalankeun papancen, henteu junun dina gawe atawa di latih.
- Epesmeer : Babarian ceurik atawa jejeritan mun manggih kanyeri.
- Eucreug : Bener, beres dina gawe jeung laris lampah.
- Eusleum : Rada gelo, kurang ingetan.
- Gagabah : Lalawora, kurang ati ati.
- Gedebul : Gede bohong, gede wadul.
- Gelenye : Awewe nu laku lampahna matak pikabitaeun lalaki, sarta biasana teu puguh adatna.
- Gehgeran : Nurutan omongan batur (bari reuwas)
- Gebleg/Gelo : Burung, teu waras ingetan.
- Gentur : Getol ngulik elmu, cucud, leket atawa sudud.
- Geten : Tulaten, nembongkeun ka jelema ( pangpangsa ka bodoh).
- Gejul : Kurang ingatan.
- Getol : Daekan, daek atawa resep digawe.
- Gujih : Ngarasa punjul ti batur karena boga barang nu eweuh di batur.
- Gorejag : Babarian hudang.
- Gumanti : Ati ati, saregep.
- Gumenak : Memenakan, niron nrion menak sabab hayang disebut menak, adigung.
- Guranyih : Resep nembong nembongkeun barang kaboga atawa resep nukeur nukeurkeun barang nu anyar keneh dipiboga.
- Haat : Hade hate, resep migawe kehadean teu karana buruhan atawa pujian.
- Harak : Gakang, galak, resep ngaganggu, nyusahkeun atawa nyilakakeun batur
- Handap lanyap : Hormat tetapi matak nyentug kanu hate.
- Handap Asor : Daek ngahormat ka batur.
- Haripeut : Gancang narima pamere, kancang nurut kana pangajak.
- Hariweusweus : Haliwu, nyarita bari rada gugup lantarang manggih kareuwas, kasieun, atawa terkejut .
- Hasud : Dengki, teu resep nempo batur bahagia.
- Harung gampung : Sompral, ngomong sangeunahna. Babarian ambek.
- Hawek : Hayang sagala keur sorangan, sagala rupa hayang, panglobana.
- Heman : Nyaah bari sok barang bere atawa mindek ngalongokan.
- Hianat : Cidra, nyalahgunakeun amanat, nyilakakeun, biluk ka lawan.
- Hideng : Nyaho naon nu kudu dilampahkeun sapopoe dina waktuna, nyaho di tempat sorangan.
- Jalingeur : Tanginas, cangker
- Jabat : Goreng lampah, goreng patekadan.
- Jalingkak : Awewe nu boga tingkah kawas lalaki.
- Jarambah : Resep ulin atawa resep indit-inditan jauh.
- Janglar : Bisa nandangan kasusah, teu dipake nguluwut.
- Jatmika : Alus budi matak kayungyun.
- Jatnika : Mulya, senang.
- Jeceh : Reeus, agul, mindeng nempoan atawa ngilikan barang nu keur dipake, atawa mindeng nembongkeun barang kaboga( dilarapkeun kana kalakuan budak).
- Jengle : Budak awewe nu teu daek cicing, loba tingkah bari gumeulis.
- Joledar : Lalawora nyumponan kawajiban, teu tulaten ka nu jadi baraya atawa terbelakang.
- Jete : Gumeulis, teu daek cicing, biar meunang perhatian.
- Jucung : Migawe hiji hal tepi ka rengse, beres tamat.
- Jujur : Tara nyumput-nyalindungkeun hiji pasualan, tara milampah serong, teu kagoda ku ruruba.
- Judes : Kucem, goreng kecerdikan, resep sesentak.
- Karooh : Mikahayang barang teu pira, barang saeutik, atawa nu eweuh pangajina.
- Kancolah : Loba tingkah.
- Kecing : Borangan, kasieunan.
- Kedul : Tara daek barang gawe.
- Kesit : Tangginas, gancang tur beres dina milampah pagawean.
- Keukeureuweut : Terus akses ngadongsok, ngolo, hayang kana barang nu aya di tangan batur kalawan satengah maksa.
- Kodomoyo : Boyot, sagala nu kendor (leumpang, digawe), henteu tanginas.
- Koret/Kumed : Medit, tara daek barang bere.
- Kuuleun : Taya guam, eweuh kadaek.
- Lalawora : Gagabah, teu ati ati, teu gumati.
- Lancang : Kurang latih, teu sopan ka saluhureun.
- Lanca-Linci : Laca-lece, luncak mulang, teu tigin kana jangji.
- Lelewodeh : Lalawora.
- Leleda : Kendor, alon alon dina milampah hiji pagawean.
- Leukeun : Daek ngeureuyeuh digawe
- Leumpeuhyuni : Babari kapangaruhan, teu tahan gogoda.
- Lihay : Pinter kodek, loba akal bulus.
- Limpeuran : Pohoan ( nu geus bodoh)
- Linglung : Limpeuran loba poho.
- Linyok : Kalakuan nipu atawa ngabohong.
- Liwar : Notorekkeun maneh, teu ngagugu kana parentah atawa pepeling.
- Luhung/Linihung : Luhur kebijaksanaan, mulya hate sarta luhur elmu panemu.
- Mencedel : Moyodok, goreng gawe, tara kabubuatan.
- Medit : Koret, tara daek barangbere.
- Melid : Kedul, mumulan, tara daek barang gawe.
- Melencing : Kedul, mindeng teu datang ka pagawean.
- Merewedeng : Kekeuh mawa karep sorangan.
- Motekar : Ngalampahkeun rupa rupa usaha pikeun nambahan kanyaho atawa pikeun ngomean nasib.
- Nalaktak : Budak nu resep ujlan ajlengan, tataeka jeung sajabana. Nu matak nyilakakeun.
- Nakal : Bangor
- Ngekrek : Koret, medit, tara daek barang bere.
- Ngeleyed : Nyabudi ucing, kawas nu lungguh tetapi mun bongoh ti batur sok milampah pagawean nu teu uni.
- Ngulet : Resep hudang beurang, padahal geus nyaring.
- Nurustunjung : Notorogan, teu boga kaera matak cua.
- Nirca : Nista, nyimpang tina papagon agama jeung darigama.
- Owah : Gelo, kurang ingetan
- Owel : Ngarasa lebar ku barang nu teu sabaraha hargana.
- Pangeretan : Awewe atawa lalaki tukang tipu, ngarah duit atawa banda ti jalma nu didiekuetna.
- Pasagi/Masagi : Sagal bisa.
- Peupeuleukeuk : Nonjolkeun maneh kawas nu pinter loba kabisa, jajagoanan, padahal henteu.
- Pertentang : Capetang, bisa nyarita, gandang.
- Poksang : Wani nyaritakeun kakurangan atawa kasalahan batur dihareupeunana tir tara didingding kelir.
- Rapekan : Daekan digawe migawe rupa rupa pagawean.
- Rancage : Cakep, rea kabisa.
- Rancingeus : Tanginas, cakep.
- Rewel : Loba omong anu matak pikapusingeun.
- Rewog : Gembul, daharna gancang tur loba.
- Ririwit : Geringan
- Rucah : Resep ngalajur napsu.
- Rucita : Binangkit, rea kabisa.
- Sabar : Tawekal dina ngarandapan kasusah atawa bencana alam.
- Saliwang : Sok salah denge atawaa salah harti.
- Singer : Hade gawe, hideng, tara nunggu parentah.
- Sombong : Gede omong, ngagulkeun maneh, takabur.
- Someah : Akuan tur bacin akal, darehdeh ( ka semah ).
- Sompral : Kawas nu eweuh kasieun, meh sarua jeung angkuh, nyarita sangeunahna.
- Sonagar : Wanter, teu eraan dina pasemon, wani nyanghareupan saluhureun bari tetep make tatakrama.
- Songong : Heuras genggerong, teu nembongkeun hormat ka saluhureun dina cacarita.
- Suhud : Saregep, enya enya ngajalakeun pagawean.
- Tangginas : Rikat, cepet ngagerakkeun awak atawa anggahotana.
- Taledor : Lalawora, teu tigin kana kawajiban.
- Tambelar : Ngabaekeun kana kawajiban
- Telenges : Gangas, resep nganiaya, teu boga rasa karunya.
- Tulaten : Genten, titen, henteu lalawora dina ngurud gawe.
- Wacis : Binekas, pinter atawa binangkit.
- Wandu : Awewe nu tingkah lakuna siga lalaki.
- Wani : Sanggup nyanghareupan sarupaning masalah.
- Wanter : Sonagar, teu eraan sarta teu dusun.
- Wijaksana : Pinter tur luhung, sagala rupa ucapan atawa putusanna hasil timbangan asumsi anu daria.