Daftar Isi
Berikut Ini Syair Aceh Tentang Adat, Budaya, Sejarah, & Perjuangan
Ateuh Pucak Gleu Tapula Bawang
Salam mualaikum saleum loen layang
saleum hormatan syarat mulia
mulia wareh ranup lampuwan
mulia rakan mameh suara
Selawet salem ateuh janjongan
keu muhammadan rasul ambia
alem ulama serta sajan
mandum ureung nyan lampu dunia
Meukrue semangat jumpa ban keumang
haroum keun wayang sang minyeuk ata
riwayat nabi loen tuan karang
gampang mudahan syufa’at beuna
Nibak dua blah lahe janjongan
rabiul permulaan mekkah mulia
bak wate suboh sunyi hana ban
aminah sajan geukeun ibunda
Ateuh pucak gleu tapula bawang
kaye kolam sentang tafok keubara
asiah mariam yang jeut keu bidan
utusan tuhan dari syuruga
di kuta mekkah harom be be wan
mandum teuceungang geutupu hana
meupu teujadi hantom lagei nyan
pu keu ajaiban ka trok u donya
Laju geujaweub nibak watei nyan
janjongan alam lahe u donya
patong lam ka’bah reubah meutimfan
daerah sembahan kafetaria berhala
abdul mutaleb nyang bi jawaban
meunan geupeutrang kolam kawom lingka
rakyat tan bingung hana le irang
meupu tanggapan lahe saidina
Rakyat di mekkah gembira hanban
teumasuk paman si lahap nama
lamit suwaibah yang bi khabaran
lansong kala nyan geu peumardeka
Ateuh bak tampu di meuen bangbang
nyou manok siyam ku’uk lam kuta
laen teukeudi kehendah yang kuasa
nam thon era nyan meuninggai bunda
Nabi muhammad po banta sedang
cukop that sayang yatim lam donya
segolom lahei donya geupandang
abdullah rakan hadap yang kuasa
Menan teukedi allah geurancang
meusidro insan ji teupu hana
tacok hikeumah mandum teuladan
nibak janjongan lahe udonya
Rupa di nabi indah ken wayang
perseh sang sang buleun purnama
kulet neu puteh mirah teupandang
siulah rakan ban bungoung jeumpa
Sapai neuh bundar teurawot uram
aneuk jaroe dang mandum teu upa
taku neuh payang geulareh seudang
hana tom sajan beungeh lam dada
Di dalam paya ji meu,en bubrang
ureung jak ublang musem seumula
oeh no meumada ca’e loen karang
deungoen wassalam salam a’laika.
Mula phoen kalam saleum ulon bri
Ayah ngoen ummi mandum seureuta
Hana meumandang keu rupa tari
Gampoeng ngoen pasi sama lom sapa
Pujoe sidroe poe ALLAHURABBI
zat maha tinggi nyang penguasa
Nyang peujeut makhluk langet ngoen bumi
A’ras kurusi syurga nuraka
Seulaweut saleum lon sanjoeng saji
panghule nabi nyang that mulia
Pemimpim ummat seuloereoh negri
Nyang ba islami keu manusia
Al ngoen teman ulama suffi
Ulama rawi hadist baginda
Hana lon lupa saban lon sakri
Saleum ulon bri meuseujahtera
Hormat keu gurei peucinta rawi
Putra ngoen putri dum aneuk bangsa
Darah nyang muda nyan generasi
Nyang papah seni siumu kurun
Deungoen bismillah ulon mulayi
Mukadimah hi kasep si deupa
Ulon neuk tamoeng risalah inti
Judul lon peuri cinta baginda
Nabi Muhammad rupa berseri
Budi pekerti cuedah leumboi sa
Hana lhei dua yang beu sabanhi
Dari phoen gaki sampoe an tampang
Didalam hate tan rasa iri
Lam dada nabi tan sifeut dusta
Sama neu gaseh tan pileh bagi
Wareh ngoen wali neu sama saja
Tan pileh aneuk atawa istri
Ummat di nabi mandum neu cinta
Sehingga musoeh yang peubuet keuji
Hana di nabi yang nyan neu ceula
Walau di fittnah di hujatan
Dijoek keu nabi kotoran unta
Hana neu beungeh keu nyan yahudi
Teutap di nabi doa neu pinta
Doa neu lakei nibak tuhan
Kaoem nyan neubi beu meubahgia
Hana di teupeu hana dituri
YaALLAH neubri hate teubuka
Meubek neu laknat bala neu uji
Meubek yaa rabbi kaoem neu murka
Neubi peutunyoek bak jalan suci
Kaoem nyan neubri teubuka mata
Neu buka qalbu hate nurani
Beudeuh di eu hi agama lon ba
Beu di ikoet lon dalam prang sabi
Yang syahid neubri asoe syiruga
Sidum nan gaseh ngoen sayang nabi
Neuci peurati pakiban rupa
Meusoe keuh sanggob laen insani
Lage nyan dali soe tem keurija
Hantoem utama keu hal eksklusif
Saban di nabi mandum neu kira
Yang peunteng ummat na pangkat tinggi
Meuhadap rabbi bek haroe hara
Geu tanyoe ummat wajeb beu meuri
Sunnah bak nabi bek na ta langga
tanda ta cinta pada habibi
Peubut buet suci peu jioeh mungka
Beu ta idola lam sanubari
Muhammad nabi ta bangga-besar hati
Meubek ronaldo seureuta messi
Artis lam tivi bek gata damba
Meumada dile ritei lon kaji
Kisah keu nabi biok lon buka
Hansep sang wate takali kali
Ceurita nabi hanbeh ta tera
Meupat na salah haba lon pansi
Meuah beu neubri meupat na cupa
meupat na bareh meu puta puti
Peumeuah akhi meupat na gasa
Akhirul kalam ulon akhiri
Ulon peu meuri saleum keu dua
Saleum peunutoep tanda beh rawi
Abu ngoen ummi,assalaaaaaamu’alaika
Wassalam….
Foto di Hias Meutampai Nama
Assalamualaikum-warahmatullah
saleum ukhuwah-keu rakan sastra
ban peut penjuru-cakop wilayah
sigo lon ruah-ngat keunong rata
Meukru seumangat-rahmat meulimpah
keuhendak ALLAH-AZZAWAJALLA
mantong na umu-tahirup nafah
mantong lam warah-bak tameu haba
Seulaweut saleum-mandum taseurah
keu RASULULLAH-SAIDIL AMBIYA
seureuta sahbat-seu ireng langkah
Neu bri YA ALLAH-dalam sejahtra
Buleun dilanget-peungeuh sileumpah
cahya jeureulah-ban sigom donya
cukop meumada-lon mukaddimah
jinoe meuk dongeng-sidroe idola
Nabi MUHAMMAD-lahe di mekkah
ayah ABDULLAH-AMINAH poma
Rabiul permulaan-lam jahiliyah
kolam suboh beukah-lahe maulana
Nabi yang akhe-pilihan ALLAH
yang ba amanah-keu manusia
yang bri syafaat-keu mandum ummah
watee tasinggah-blang padang mahsya
Ade ngon jujur-dalam perintah
yang that fathanah-dan ter pecaya
yang ba rahmatan-keu mandum
ummah tauladan yang pah-sidroe idola
Yang hana galak-keu donya meugah
yang hana congkah-kolam mita harta
yang hana harok-hudep lam mewah
yang hana salah-bak Geu meusabda
Sinan keuh tacok-acuan yg pantah
kolam rasulullah-yang that mulia
seubagai suloh-peuneurang langkah
bek sampe rubah-lam lumpur dosa
Tapi lawet nyo-meu laen arah
ka salah kaprah-pileh idola
artis figuran-bacut na gagah
jak ikot ”titah”-ban jih keurija
Yang leupah sayang-aneuk miet mirah
sou Rasulullah-jituri hana
peu lom ta tanyong-mandum silsilah
ya masyaALLAH-bit teutoep mata
Eunyo nan artis-han peu tapeugah
foto di hias-meutampai nama
kolam hi sang kajeut-keu darah gapah
sidum nan parah-bak meu idola
Kiban ji kaloen-artis peuleumah
meunan jilangkah-ikot meu gaya
dak ureung kafetaria,laen kepercayaan
hana masalah-penteng idola
Meuho ka droe neuh-umi ng ayah
aneuk meutuah-beu goet neubina
bak pileh contoh-bek salah kaprah
takot meuramah-han ek le gisa
Hana yang laen-panutan yang pah
cit RASULULLAH-yang that tepat
meumacam aspek-lam bumoe ALLAH
sinan keuh kudrah-meu asai punca
Deungon wassalam-lon khatam kisah
harap peu meuah-meupat yang cupa
seurta koreksi-meupat na salah
maklum that mirah-nibak meu rika,