Pantun Aceh Pembuka Assalamualaikum Ngon Izin Allah

Hudep lam donya tapujo Allah
Dalam ibadah meubek na pre2
Tameuseulaweut keu rasulullah
Ucap ngen pengecap ingat ngen hate

Lon keuneuk tuleh saboh persoalan
Ngon izin Allah geubi trang hate
Beureukat gure geubi peutuah
Beu ek lon olah haba lam ca’e

Keudonya akhe bacut lon peugah
Tanda ka jeulah takalon lahe
Salah saboh jih didalam cerita
Nyeng dong khalifah le ureung kafe

Geutanyoe islam ka serba salah
Pu nyeng tapeugah han jideungo le
Kadiyu ikot lage peurintah
Beuthat beu salah haros kheun baiklah

Taduk ngen tadong fikiran han pah
Diteuka sukar didalam hate
Wate takalon beurita peugah
Islam roe darah but kawom bakhe

Dilua nanggroe tip uroe sosah
Prang sabi teuhah geulawan kaphe
Tanyoe di aceh pih sang kabicah
Bak minoritah phon teuka ganjei

Dikeumeu peuhanco saboh wilayah
Aceh di ubah keu naggroe bakhe
Teuma geutanyoe bek teuhah babah
Agama Allah tapeutheun tangkei

Beusiap siap bendo ta asah
Tajaga beupah watei trok kaphei
Bela agama wajeb talangkah
Bek sagai sulit dak dara ile

Aleh pah hom…..
Aleh jeut nyan keu judul.he,,he…