Panton Aneuk Aceh Jimeulhoe, Meusunoeh Harta
Di dalam donya, meumacam bagoe
Rata juet nanggroe, ka haroe hara
Donya ka akhe, lahe dum bagoe
Anuek jimulhoe, meusunoeh harta
Ayah ngoen anuek, meukap kap gigoe
Nasiet yang meulhoe, masalah jumba
Hana sapue khuen, dalam harueto
Maka juet meu lhoe, sabe syedara…
Nasiet di ladoem, kasoem ngon cupoe
Kajuet keu meulhoe, duduk perkara tika
Itek dalam blang, ayam lam parek
Masalah cubek, putoeh syedara..
Tanging sidara, gura that bagoe
Mungui cut uroe, baje eropa
Pakaian kaphe, haroek han bagoe
Malah di pujoe, meurasa gembira
Wahe ee dara, simata langgeh
Pike beu abeh, yoeh goh binasa.
Male syedara, mawa ngon mateh
Gata ka paleh, ngon baje eropa..
Laen di agam, gura that bagoe
But oeh uroe, kolam jamboe jaga.
Oeh peugah haba, bah luwa nanggroe
Baje bak asoe, ka mubhe sira..
Taloe bak kieng, meugilieng cubeh
Taloe bak binteh, kajut keu atra.
Peng lam jaroe, meu awoe abeh
Hawa kuweh lapeh, payah saba saba…
 |
| Panton Aneuk Aceh Jimeulhoe, Meusunoeh Harta |
Nyankeuh tanda donya ka akhee, beudoh rakan eue pujo rbbana
sembahyang 5 bek ta tggai lee, keu beukai matee yg tlng gta
yoh kurun lam rimba sapeu that pikee, troh kolam sikrak budee tanyue ba dua
pkon jeut jinue ka ditem meucree, oh kn hsee gdoh setia.
Butoi… kolot rkan ee meubek taeh lee…..
Beudoh boh hatee sumbhyng beu sigra….
Wahee ee ado donya rap akhee…
Beuna ta pikee pujoe rabbna……