Meusoe na deungoe sejarah jameun
Masa kurajeun nabi Sulaiman
Pasti di teupu saboh peukateun
Jampok meujangeun nibak kurun nyan
Meunyoe han salah haba nyoe jikheun
Sinyak lon buleun neuboh pimpinan
Cocok si agam keu raja uteun
Puduek dalam seung wahe Sulaiman
Meunan umpama politik teuleung
Ka lage jameun ta eu piasan
Saleng peu ujoe keu sidroe ureung
Laen disunyung macam cercaan
Nyopat bapak nyoe Meutuah ureung
Get that peukateun etika budiman
Meubek neu peu-ek bapak jeh lam seung
Manteung brat kureung geutu’oh pih tan
Nyoe hana beutoy jeh salah dikheun
Lawan ka jiglueng ngen cara sopan
Hana persoalan syahra meuking-keung
Peunteng meuteumeung reubot jabatan
Politik yang gleh jinoe ka jareung
Kaleung-meukaleung faktual tapandang
Macam berita haba meucabeung
Hitam deungon pleun meuhi ka saban
Geutanyoe rakyat bek gadoh hireun
Takot teulinteung di era depan
Walaupun ilme manteung brat kureung
Beu tapeurumeun kolam penyeleksian
Mangat mie aceh tapakek udeung
Pu lom nyoe keu-eung sedap that rakan
Bek tajak pateh jampok meujangeun
Keudeh dalam lueng ta-tiek beu simban.
 |
| Panton Aceh Tentang Politik Jampok Sejarah Jameun Masa Kurajeun |
Politik tidak seluruhnya hitam, namun kebanyakan dunia politik itu gelap, hingga kadang-kadang orang awam mengajukan pertanyaan-tanya mana pemimpin yang benar dan mana pemimpin yang hanya menempatkan janji di atas gumpalan awan.