Salah asoe, buet nyang hina.
Hina kolam Rabb, that meupaloe.
Uroe dudoe gata lam neraka
Uleh seubab, teutap bek kloe.
Peunyang kutoe, tasrah sigra.
Taboh ubat, leugat beujhoe.
Nyang meubudhoe, pinah beuna.
Beutaingat, troh hat sampoe.
Cit meupaloe, nyoe leo dosa.
Dosa jimat, hibat tuloe.
Tanyoe rugoe, hai saudara.
Nyang meukeumat, ligat peupeo.
Bek le jiwoe, dalam jiwa.
Tuboh mangat, lezat sampoe.
Meutakiloe, dum buet dosa.
Ateuh langsat, lalat han toe.
Pucok kiroe, keong jih hana.
Hate nyang krat, cupat beujhoe.
Beulom jiwoe, ban seumula.
Ban ta harap, dikala phon nyoe.
Troh u bumoe, duek phon mula.
Meunan neumat, hat beusampoe.
Ka meupaloe, han le guna.
Seugolom that, meukarat droe.
Ubah jinoe, sekutika.
Peugleh kurab, cap bekle toe.
Uroe dudoe, na soe kalau.
Na Muhammad, syuf’at neuh dhoe.
Ka sep kiloe, meuwoe fahla.
Malaikat, teukab gigoe.
Neu eu laloe, buet maulana.
Lhok dheun arat, lewat krueng beo.
Leo tanggiroe, meudiwana.
Haba lon lhat, that neupakoe.
Seunang dudoe, droe neuh rasa.
Nyoe ka siap, riwat adoe.
Singoh uroe, laen lon ba.
Saleum nyopat, neucap sigoe.
Akhe rampoe, wassalama.
 |
| Panton Aceh Uroe Dudoe Gata Lam Neraka |