Bek hai syara susah hate.
Nyo seutatus tan komenta.
Rilex ajaaaa bek weuh are.
Makhluk tuhan yang meu nyawa.
Singoh lusa pasti mate.
Yang na tinggai dalam donya.
Kartu KAKA ngon KTP.
Watei tawoe alam baqa.
Tanyoe hai ma jeut keu bangke.
Ulat pajoh tuboh kita.
Lagak rupa mandum reule.
Nyang na tamee lam keureunda.
3 peukara hai fan ca’e.
Nabi seubot dalam sabda.
Deungo syara lon neuk rawe.
Yang phon that2 hai syekhuna.
Waqaf harta nrimo hate.
Peurnah tajok keu zhu’afa.
Keubon mangga limong rante.
Ilmei yang jroeh nyang keu 2.
Geupeu hija ureung jahe.
Jeut di amai le manus-ya.
Gei ulama lon boh tamse.
Aneuk shaleh yang keu 3.
Ampon dosa lakei sabe.
Di meungadu bak rabbana.
Di meudo’a hana tom pre.
Nyankeuh sagai yg na taba.
Tukang bela uroe page.
Laen tinggai dalam donya.
Mandum harta gop peura’e.
Etnoe mantong lon meu rika.
Meu’ah raya pat yang ganje.
Maklum ulon ban beulaja
Cit baroesa mak peu lahe.
 |
| Panton Aceh Ulat Pajoh Tuboh Kita, Lagak Rupa Mandum Reule |