Panton Aceh Patah Hate Seubab Loen Ureung Gasin Hana Sapeu Na
Teupaksa di loen tinggai gata
ureung chik dinda hana baiklah
seubab loen ureung gasin hana sapeu na
ayah poma gata hana geu restu
Dua geutanyoe e bungoeng jeumpa
han troeh ban pinta ta-eh saboeh keuleumbu
meskipun gaseh sabe setia
hana troeh daya tanyoe bak teungku
Gata ureung na meugah ngoen kaya
dituri nama barat ngoen timu
gata dek taduek lam rumoeh kaca
diloen hai dinda rumoeh ngoen oen ‘u
Panee na mungken loen sandeng gata
bak pelamina hantroeh geutanyoe tuju
kolam ayah gata loen tan geunit na
hana meuharga meu ube oen paku
Kiban hai adek loen woe kolam gata
nyoe hana rupia diloen dek meulu
ureung chik gata ngoen loen han rela
gasin ngoen papa kheun ayah dek meulu
Pakri loen peuget e nyak ti laila
geutanyoe dua hana bersatu
ngoen ureung la-en geujok keu lintoe gata
yang santeut kaya nama meuceuhu
Bekle hai adek keu loen tacinta
pateh yah ngoen ma e bungoeng meulu
doa nibak loen keu gata tip era
beubahagia oh na asoe keuleumbu
Walau koen ngoen loen dek ta-eh gata
kolam loen karela e bungoeng labu
doa seulamat loen kirem keu gata
bah keuh derita loen peundam rindu
Kagrak teukeudi nibak Rabbana
geutanyoe dua hana saboeh keuleumbu
hana meujudoe geutanyoe dua
kakeuheundak Rabbana meunoe ban laku
 |
| Panton Aceh Patah Hate Seubab Loen Ureung Gasin Hana Sapeu Na |
Kaseb hai adoe panton uloen ba
keu gata nyak ti laila gaseh loen rindu
kolam la-en watee loen samboeng rika
keu ubat luka loen peundam rindu,