Panton Aceh Kupeu Tatumpok Harta Jeud Sagoe

Panton Aceh Kupeu Tatumpok Harta Jeud Sagoe

Bala Virus Nyoe Hai Pemimpin Nanggroe,
Allah Peurunoe Saweu Syedara,
Allah Yu kalon Ureung Teungoeh moe,
Beudoeh Geutanyoe Sampoh Ie mata,

Baroe kon gata Sibok Uluwa Nanggroe,
Jinoe jak Panto Saudara Lingka,
Kantoe ka tatop Malam ngon Uroe,
Tugah Gata nyoe BANTU SESAMAA,

Deungoen beurkat Seudeukah Awak droe,
Gadoeh Dibumoe Virus Corona,
Doa Fakir miskin tente troeh Bak Poe,
Bek le Geutanyoe Tapike Keu prut droe Saja,

Kupeu Tatumpok Harta Jeud Sagoe,
Kiamat nanggroe Dilikeu Mata,
Hana Tapike Hai TUAN TUAN NANGGROE,
KIAMAT NANGGROE KUPEU LOM HARTA,

Hai Ureung Kaya Yang Na Jeud sagoe,
Neutulong panto siat Syedara,
Peujeud neu Bantu Tolong Neuhiroe,
Masing masing Sagoe Droe Kalon ngon mata.

Hai Ureung ureung Kaya Yang Na Lam nanggroe,
Nyoe Lon Sampoe Kon Gura gura,
Mungken Bahsa Gasa meucakoe,
Maklum Ju keudroe Situasi Yang Ba.

Wallahu’alam.