Panton Aceh Bak Malam Minggu Sang Kajeut Jak Eh
Malam minggu, Sang Kajeut Jak Eh
Mata kapeudeh, jie teuka siya
Wahe kerabat, sinoe ngen disideh
Mandum hai wareh, tuha ngn muda.
Dang2 taleung tika, bacut lon rinteh
Rakan tagaseh, nasehat beutaba
Asoe syuruga, itikeut that gleh
Ureug semateh, hantom melangga.
Buleun puasa, jinoe karap habeh
Bulen semeugleh, peuhapus dosa
Troh uroe raya, tameuah beu abeh
Makwa ngen makteh, umy ngn abua.
Singoh ato lusa, troh era keudeh
Mandum jipeu’eh, dalam kereunda,
Ta ingat keudosa, ta korek beuabeh
Bekna melanggeh, rata ngon manusia.
Utang langsung, wajeb geutuleh
Jalan tameugleh, pujoe Ta’ala
Leuho asa insya, mangreb behabeh
Yoh goh uroe puteh, suboh pi teuka.
Etnoe keuh dile, panton lon tuleh
Kajeut neujak’eh, myo kalhuh nebaca
Peu ubat lara, ngen luka peudeh
Tamita gaseh, kolam poe kuasa.
