Jeh si nyak dara, ka muntah-muntah.
Ka hawa lincah,ngon asam boh me’
Lon nging bak wajah, ka mirah-mirah.
Bak sang hai ayah, dijih ka mume’
Malam barosa,bak lon ji peugah.
Ngon abg basyah, dijak u pange’
Teuga that ujeun,kolam jeum poh 11.
Di piyoh bagah,bak saboh keude’
Keude ka mate, katrep gop keubah.
Pinto jih teuhah, yang na cit pa_e’
tamong u dalam, dijak peu siblah.
Mangat bek basah, tupong beureune’
Teungoh lon duk2, poma meutuah.
Ulon geuramah, le abg mae’
Geumat kolam jaroe, sira geumusah.
Kabi ku tuwah, sigo kolam sange’
Hingga hai poma, ulon paseurah.
Bajei lon peuhah,ateuh rak gule’
Sampo oh akhe, gopnyan ka puwah.
Ji teubit darah, saboh sendok te’
Ohban geudingo,lagei nyan cerita.
Lansong po ayah,ulei geuh siwe’
Ngon ureung gmpong,kanjai meulumpah.
Galom meunikah,aneuk ka mume’
Ayah:
Laju si dara,geudhoet geu murka.
Aneuk rimung plah,bit arakate’.
Rugoe kujak jok,keudeh bak dayah.
Hana ka kubah,keyakinan lam ule’.
Hana tijalok,meunan akai kah.
Poma ngon ayah,katem seumale’
Dengon soe ka eh,ateuh peuratah.
Aci ka peugah,ngon agam pane’?
Aneuk:
Teuma ji seu’ot,aneuk meutuah.
Wahe e ayah,yang raya mise’
Meu ribei-ribei,lon lakei meu’ah.
Meubek neu cacah,neutrom bak kupe’
Gampong abg nyan,hideh di pandrah
Bak lon geu peugah,tinggai krung mane’
Watei lon seutot,bit hana jeulah.
Rame yang peugah,di lhokseumawe’
 |
| Panton Aceh Jeh Si Nyak Dara Ka Muntah-Muntah, Bak Sang Hai Ayah dijih Ka Mume |
Cipta: Mogana Jodoh tgk hery
Penulis: Yazid