Panton Aceh Jaga Hate Ureung Inong
Ammabakdu, phon lam kalam.
Lheuh nyan taulan, tabicara.
Suai lon bri, keu tauladan.
Perempuan, dalam haba.
Saboh nibak, hadist lon fham.
Peuneurangan, kolam saidina.
Akan lakoe, neupeugah nyan.
Keuteugahan, lam lakunya.
Meunoe haba, deungoe rakan.
Get neusimpan, brok neuhila.
Cok manfaat, saban saban.
Peuneugah nyan, ulon Rika.
Mise lakoe, lon tamselkan.
Keu pemikiran, tiep kutika.
Lam tabina, saboh jurang.
Bagoe lam prang, jak tiep kala.
Bak phon lafai, nikah yoh nyan.
Sang meuguncang, arsyi dumna.
Meunyan dum brat, talakukan.
Pengertian, beumeuho ba.
Bek ban kalheuh, haloh halang.
Nyan ka seunang, jeut anggota.
Ka tareumpok, saboh hidang.
Asoe barang, meuh peulita.
Keu peunawa, kana Soe cang.
Saket badan, na Soe uet fha.
Bu na Soe boh, ie na Soe bang.
Dumpue kadang, ka seulanya.
Adak ta eh, watee malam.
Konle bantai, lam lungkiek pha.
Akan keuheut, troh oh tacang.
Sit jeut mayang, rok rok abad.
Tapi polem, aduen kakak.
Ingat taulan, suroh beuna.
Keu tabina, peungarangan.
Beuteurancang, ban lakunya.
Bek sampoe e, hate leumbam.
Peureumpuan, tiep kutika.
Sigoe saket, peurasaan.
Nyan meuguncang, arash dunya.
Malaikat, paras masam.
Ta beujalan, neunging Hana.
Jeh phon seubab, salah kalam.
Keuhinaan, si perempuan.
Meungna salah, ta ajarkan.
Bek ban parang, tajam mata.
Bek laju le, takheun bubrang.
Taeu kiban, buet pertama.
Nyoe kapaloe, peu ka lon tran.
Asoe karang, ka lhee dupa.
Bek kaseb nyoe, ulon rupang.
Pat han simban, meuah beuna.
 |
| Panton Aceh Jaga Hate Ureung Inong |