Gisoeng kolam jumpung, musom ujeun rhah
Kadang bak jahe, sare meukalueng
Bak seunang ureung, mita sep sukar.
Bak pike mangat, lezat sigo hum
Bak pike meunyuem, lezat sigo grah
Akhe meunyesai, kanjai meuteumeung
Bak peutheun laneun, napsu nak puah.
Janji lon peugah, teus’ah kolam punyueng
Masa lam lumueng, gata eh reubah
Sira dek taduek, lon gusuek kolam rueng
Sileuweue beuneung, kiban beuteuhah.
Akhe adek jok, tampok meu ateueng
Bak teungoh kareung, meupateng galah
Simban meukayoeh, lam tudoeh pasueng
Hana ji silueng.raket kolam lipah.
Timang meusuntek, meukek bak ruhung
Pipa meusurung, timang bak kulah
Ban kabeh sare, jile ie lam lueng
Piyoh bak meuglueng, teurasa teulah.
Pane lom arti, suci ka kureung
Darah lam tuleung, kaleuh meuruwah
Ka habeh runtoh, bungkoh seurayung
Kuto ie leubeung, kaleuh meu keubah.
Akhe le poma, gata han geutueng
Dada ka busung, kolam buet tan jeulah
Ayah sep beungeh, tameh sang geu glung
Di rumoh peudeueng, kaleuh geuasah.
Lon tanggong jaweub, bah buet kakeu eung.
Hana ulong plueng, meusaboh langkah
Sampe bak tanggoh, gata troeh madeueng
Si aneuk baj…., nak meusoe ayah
Saban yoeh dile, tasube seukeuem
Tatanggong hareum, hay dek mutuah
Walo oh akhe, pade meunaleung
Maka dek lon tueng, tanyo meunikah.
Oh nan keuh akhe, cae lon suleung
Meuah meusinteung, kon aktual dongeng
Keusaboh bahan, rakan neurenung
Baci neupeunyuem, beu jeut mau’izhah.
Kayem jameun nyoe, menoe peukateun
Nibak but mesum, meu rupah-rupah
Oh lahe sinyak, dijak tik lam krueng
malei ngon aduen, saweub tan ayah.
 |
| Panton Aceh Akhe Adek jok Tampok Meu Ateueng / Boh Pek Cewek Bhok |