e jeumpa puteh boh hatee kanda
Sipat bang ayon keunong le gareh
Sigo bang tuleh sang salah makna
Aleh mata bang ka boh leuk lapeh
seubab seulaseh bang teungeut hana
Bek keuh teusinggong mawo tuah gleh
meulu peungaseh meubida makna
Maksud bang peugah e bintang blahjeh
paksa meugaseh nyan but cilaka
agam yang paksa akai jih paleh
sayang tat puteh dara hatee ma
Maka bang Pengko peugah silapeh
tan pih sigareh meunan bang suka
nyo naksu seunang gaseh meugaseh
cok keuh yang gleh-gleh nyang saleng cinta
meunan persepsi cutbang teumuleh
kasus gaseh di dalam dada
bang lake meu’ah kadang meulanggeh
e jeumpa puteh kadang na cupa
Muhammad Ali saleum hai wareh
nyoe lon teumuleh keu mangat haba
hana tat caroeng cit lon teumuleh
bek tat tapateh keu gura-gura
Kon kolam Prohaba seureng teumuleh
tapi hai wareh Serambi nama
kon lon meusombong meunan kugareh
sekedar wareh peuteupat haba.
 |
| Panton Aceh Agam Yang Paksa Akai Jih Paleh |