Nyan cicem pala jipoe meubareh
Nyoe cicem puteh sayang jipoe mebanja
Hana lon pandang bang ee hitam ngon puteh
Asai bek tipeh, nyankeh belanja
Diloksemawe sayang na pete aron
Megah loksukon bangunan kana
Nyo naksu kegleh bang ee manoe ngon sabon
Nyo naksu kelon Saboh Avanza
Nyo Nafsu kelon laju nemita
Daftar Isi
Balasan Panton Cut Bang Beutong Keu Dek Marya
Waalaikumsalam loen jaweub panton
Dari adek lon meulaboh dua
Jinoe adek jak kenoe u beutong
Nyopat na kolam loen saboh Avanza
Cuma bacuett teuk lon tanyong langsong
Peukeh adek lon, Goh na yang cuca
Bek sampe singoh saket hate lon
Cut adek payong ka badan dua
Balasan Panton Dek Maria Meulaboh Vs Cut Abang Kecamatan Beutong Aceh
Kota meulaboh kota meususon
Megah kakak lon, kana suzuya
Mebek keuh menan hai abang ee.., Nebalah panton
Saket hate lon dengoe dongeng
Mebek keuh menan hai kakak ee.., Nebalah panton
Sebab dirilon goh lom so cuca
Adek han kujak bang ee,,,, kedeh u beutong
Han mungken bang lon, kenan lon teuka
Kon Avanza tok bang ee… Syarat dari Lon
Ingat ke rabbon, Sembahyang Beuna…
Balasan Panton Cut Bang Beutong Untuk Dek Marya
Di suka makmue kantoe meu suson
Blang baroe rambong, Sawet meu banja
Pakon han tajak dek ee…
Keunoe u betong, peu salah panton tesinggong gata
Hate bang galak oeh kana tiyong
Bang groep-groep lambong
Lon ble ngon cintra, Hana lon sangka dek intan payong
Jinoe nibak lon, tabalek haba…
Dikuta bate na bak drien lambong
Susah hate lon,oeh angen teuka
Limong boeh wate sayang, Han tuwoe dilon
Cit nyan pangkai phoen hudep lam donya.
Balasan Panton Aceh dari Dek Maria Keu Cutbang Beutong
Nyoe ka lagenyan oh cutbang beutong
Senang hate lon jinoe terasa
Tapi na bacut bang ee jinoe lon singgong
Peukeh bang betong kana keuluarga
Pucok meria peugot keu bubong
Pucok tring lambong peugot keu bara
Aci neujaweb sayang jinoe bebetoi
Bek sampe dilon dudo keucewa
Alhamdulillah lon pujoe rabbon
Menyoe bang beutong carong agama
Cuma bacut tek bang ee jino lon singgong
Bek raya that embong ngon kawom lingka
Cuma bacut tek cutbang adek singgong
Bek neupegah sikhan beutong kakak poe atra
Balasan Panton dari Cutbang Beutong Untuk Dek Maria
Pucok oen pisang, bulat meugulong
Pucok kolam rambong, Hana meupat punca
Jinoe digata tatanyong kolam lon
Peukeh cut bang beutong, kana keuluarga
Cukop that indah, Alam di beutong
Kuasa rabbon hana bandeng sa
Soal goep peugah keu abang beutong
Loen pulang langsong bandum bak gata
Di gunong nagan na titie ayon
Jalan meulinggong gampong coet sala
Hana lam hate dek ee bang yang peudeuh mbong
Kon nyan sifet lon hudep lam donya
Tapeugot rangkang, daerah meulindong
Babpih bubong on binteh meria
Nyoe memang betoi gata judoh lon
Allah peulindong kamoe nyoe dua.
 |
| Kumpulan Panton Dek Maria Meulaboh Vs. Cut Bang Beutong Aceh |
Fungsi, Arti / Makna Panton Aceh Yaitu: Bahasa-Bahasa Hiasan atau Bahasa Mutiara Yang di Rangkai untuk Merayu, Menasehati salah seseorang atau kelompok.