Kata2 Panton Aceh Lucu Mate Leuh
Sayang boh pisang peunajoh tupei
Dalam boh jambei ka jiduk ulat
Ulon ci peu ek bareh dua lhei
Dak hansep mete lon sambat sambat
Sayang timon bruk teuduk bak batei
Kulet ka layei uro tarek that
Nyo sayang ureung oh di meulakei
Oh ban peureulei tacok han meupat
Yoh manteng bulut ta adei adei
Jeut oh trok watei tacok keu tungkat
Tapi nyeng sayang impian padei
Hek tatheun bubei eungkot tan meupat
Nibak beuranda haba ku peusei
“Han meupu lagei” judul lon angkat
Nyo nibak asoe ka meukeurabei
Saban that teuntei deungon bulukat
Peusan nyeng lon ba keuno kutempei
Keu bungong keumbei nyeng jioh tmpat
Makna lam haba tapham beuteuntei
Toh nyeng peureulei simpat beugot that
Alah e payong kuntom mangat bei
Nyeng golom teuntei bek that taharap
Nibak rabbana beu tameu lakei
Lheuh limong watei jarong ta angka
Alah ka keuh ehnan manteng ka beh daweut nyoe
————————–
Memang meubeda saket boh ulat,
Meuku lam urat seu-um lam ule.
Daleh pih jino tengoh lam rapat,
Sajan Aparat di ateuh balee.
Napsue lon jakwoe neuk istirahat,
Tapi hai sahbat han geubi dile.
Akan lon pateh lage usulan,
Yoh goh geutakat haba yg male.
Mari tahindar bekna gop upat,
Nyeng na ditempat meubek tagese.
Mari hai rakat ta ikoet rapat,
Dak hana sehat teungoh tajip Pil(Pe).
Tinggai digampong ta’ikot rapat,
Sumbang pendapat bekna yg re-re.
Partisipasi beuna hai sahbat,
Sosial meuhat ramah yg keu lhe.
Ateuh but keugot takarat karat,
Kira nyan sesat bek tuwoe gese.
Patna yg irang tulong peutupat,
Meusoe yg bedebah nyan lop penjaree.
—————–
ie lam klek gunoeng jilei meurek-rek
Kareung meutinggek kolam bineh guha
Tapiyoeh siat dang-dang gadoeh hek
Jak tameusolek jeut tacoek gamba
Nibak zaman Now syitka loe efek
Nyoe gamba jelek macam comenta
Coba tafoto ngoen awak bulek
Hana meukeutek keunan dum mata.
——————————
Yg penteng that2 Aneuk beumeusoe,
Amplop meuasoe tanda mulia.
Laen Nibaknyak bek ujoe – ujoe,
Kana padum droe lon deungoe haba.
——————————
BEUTOI KAN ?
Dile ABG rame lam pesbuk
Jinoe kateuduek beudoh nyeng tuha
Ka rame bapak atawa ibuk
Pat-pat nyeng geuduk citnyan geubuka.
——————————
Panton idul fitri harah 8
Habeh uroe meulebaran
Jak hiburan dengan judo
Keuno-keudeh rame han ban
Saban-saban jak meufoto.
Wate uroe jalan – jalan
Capek tubuh ateuh kaso
Rame-rame ta-eu saban
Wate malam oplod foto.
——————————
Meutuah ureung hudep han susah,
Raseuki gampang sabe Allah bri.
Saket ngon teuga sabe ibadah,
Geupujoe Allah yg maha tinggi.