Haba Indatu, Inong Lawet Nyoe Geutanyoe Dikreh

Payah tamita, ak-ak yang puteh.
Adak u inggreh, han chit meutumei.
Susah tamita, dara seumateh.
Meunyo yang paleh, Padum boh pereule ?

Meukru semangat, Jeumpa Seulaseh
Masa uroe jeh, geu lhat kolam ulei
Salam a’laikom, karong ngon wareh
lon sapa abeh, murid ngon gurei

Bacut karangan, hajat lon tuleh
geulantoe kuweh,lon bi keu jamei
judul lam rawi, jameun ka canggeh
ta-eu sang gadeh, pahahai balei

Dari seubab nyan, bek salah pileh.
bek asai puteh, laju neu pangkei
ta tilek beugoet, jago ngon wareh
bek dudoe seudeh, rugoe jeulamei

Bek tacok santan, nibak u dadeh
Han mungken tapeh, taguen keu gulei
Inong lawet nyoe, geutanyoe dikreh
Jisampoh abeh, luweu ngon bajei

Takheun sidara, hana seumateh
Yang agam paleh,sadeue beuralei
Asai kapuwah, tugah ka abeh
Kalheu ji eh-eh, picet boh gutei

Mangat siminet, tumet ngon gateh
Lheuh nyan ju abeh, geutanyoe seudei
Oh lheuh tajungkat, sarat boh beuteh
Nafsu kahabeh, meurandei-randei

Ingat hai Polem, beuneutem pateh
Haba lon rinteh, sang kreuh ban batei
Hitam dilua, didalam Puteh
Miseu boh manggeh, haba lon subei

Tapeugeot lidi, sang dari pureh
Masa uroe jeh, wahe e sampei
Ulon mantog cut, goh jeut tumuleh
Meuah hai wareh, troh ujong bulei.

Haba Indatu, Inong Lawet Nyoe Geutanyoe Dikreh