Ca’e Aceh Tentang Cinta, Agam & Inong Hana Lee Meuri – Teks Ca’e Aceh

Ca’e Aceh Tentang Cinta, Agam & Inong Hana Lee Meuri – Teks Ca’e Aceh

Deungon bismilah loen mula karang.
Ngoen nama yang kuasa yang maha suci.
Salam’alaikum saleum loen hidang.
Kepada rakan muda ngoen mudi.

Alhamdullillah bagah oh lheuh nyan
Loen pujo yang kuasa yang maha tinggi.
Seulawet saleum keu muhammadan.
Yg ba iseulam keunoe ubumi.

Keu al dan sahbat loen intat rijang
Yang ikot sajan jak sajan nabi.
Hana geukira harta geuh korban
Demi pejuang agam suci.

Keu ayah poma beusehat tubuh.
uroe ngoen malam lam lindong rabbi.
Keu mukaddimah oh noe loen reupang.
Keu asoe karang jinoe loen rawi.

Allahu allah allahu rahman..
Allah ya manan yang maha suci.
Neu deungoe beupah bek sampe mumang.
Judul karangan nyan molot nabi

yoeh goeh loem lahe nabi u alam.
Na saboeh jaman leupah that keuji.
Nyan jahe liyah yoeh nyan geupeunan.
Agam dan Inong hana lee meuri.

Maboek ngoen maksiet hana soe larang.
Dum perzinaan hana batasi.
Di kira keuji na wanita.
Ban lahe bak nang di eksekusi.

Han soe le patoeh perentah dewa.
Kalage hewan dum asoe bumi.
Hudep meuperte sasabe reuman.
Sang sang nyoe alam goepnyan miliki.

Dgn grak cepat loen singkat karang.
Bek le that payang muputei putei.
Kalahe nabi sidroe janjongan.
kuasa yang kuasa geu pandang bumi.

Rabiuawal malam selanyan.
Lahe jangjongan kolam suboeh hari.
Seunang that hate dum asoe alam.
Kana peuneurang delegasi rabbi.

Yoeh wate lahe pang ule alam.
Apui dum padam ata nasrini.
Abdul mutalep teukeujoet yoeh nyan.
Takoet di goep nyan pue ka terjadi.

Hana geutupue hue panyoet alam.
Teungoeh sipoet klam katrang deuh dali.
Kalahe nabi sidroe delegasi.
Yang tujoek jalan akan keu rabbi.

Ureung peuturi yang na dgn tan.
Ureung peujalan agama suci.
Meukoen na nabi yang tunyoek jalan.
Meu taturi han soe keuh poe bumi.

Wajeb kolam nabi tacoek tauladan.
Jeud keu peudoman tanyoe insani.
Pakiban suci hudep geujalan.
Sabe tawakal geu pujoe rabbi.

Adak di caci dgn hasutan.
Meu macam macam fiteunah dibi.
Hana di nabi hate geuh dendam.
Sabe kolam ilahi geuseurah diri.

Ateuh kolam panjoe diwoe cem subang.
Ateuh bak mancang meu umpueng bani.
Habi lam rawi oeh noe loen reupang.
Meu’ah hai rakoen loen pamit diri..

Ca’e Aceh Tentang Cinta, Agam & Inong Hana Lee Meuri – Teks Ca’e Aceh