Saban uroe, nyan tatumee.
Tujoh lapeh, saban bakoe.
Meunan adoe, cit ka teuntee.
Teuma ureung, agam putroe.
Keu sambinoe, hana nyang lhee.
Dan binatang, pih han paloe.
Pasangan droe, rimueng cagee.
Kruseumangat, keinginanPoe.
Rata sagoe, han ji gesee.
Geukeuhendak, saban bakoe.
Sijeh sinyoe, han meulagee.
Yang bek pubuet, ilat neupreo.
Jeut neudeungoe, ulon patee.
Heut lam donya, hawa neujhoe.
Akherat toe, han neutumee.
Neulet donya, wayang sundoe.
Peu yang neubloe, beuneutumee.
Peu yang digob, ngui bak asoe.
Droe neuh adoe, pih beumuree.
Yang neugalak, dalam bumoe.
Allah sampoe, meuneulakee.
Galak hudep, beubek fhang fhoe.
Deungon Motoe, beuna ngon mee.
Rumoh raya, pageu busoe.
Capang bak kroe, rawa tiree.
Dan keubahan, peng meukuboe.
Cit kahak droe, han jigesee.
Ban na bandum, nyan cut putroe.
Ka seumiloe, wajah ukee.
Hate kufo, angkuh ka toe.
Allah sidroe, ka neulagee.
Tanle tingat, neuseumah Poe.
Uroe uroe, gadeoh watee.
Dalam hudep, cit ka laloe.
Sibok keunoe, patee patee.
Meuka meunan, cut da tiroe.
Tamah sampoe, lom meupatee.
Troh bandum heut, rata sagoe.
Bateng busoe, meuhi sentee.
Tapi ingat, ilat hantoe.
Jioh sampoe, syurga meubee.
Cit nuraka, keunan katoe.
Apui kiloe, gaki ulee.
Bek neuharap, singoh sampoe.
Geubri le Poe, cit meupatee.
Di darul baka, meuchoe koloe.
Jeh lam bumoe, ka neutumee.
Maka dunya, bek that tajhoe.
Asai prut troe, kaseb dilee.
Asai haleu, meunakeun droe.
Kasep adoe, bekle jak chee.
Keupeu kaya, laloe keudroe.
Gob meusidroe, tanging han mee.
Nyan ka marah, teuh deungon Poe.
Balasan toe, hanpat gesee.
Alah hai hom, hak cit kolam droe.
Get neusiboe, get troh lagee.
Teuma kolam lon, haba rampoe.
Yang tem deungoe, ulon adee.
Bagi han tem, keunoe bek toe.
Rot deh neujhoe, lon peubatee.
Ngon wassalam, putoh taloe.
Ujong dudoe, meuoh patee.
 |
| Ca’e Aceh Rumoh Raya, Pageu Busoe |