Biografi Sastrawati Sunda Tini Kartini
Dilahirkeun di Tasikmalaya tanggal 29 Oktober 1933. Mimiti meunang atikan Sekolah Dasar di Tasikmalaya, terus ka Sekolah Menengah Pertama. Pindah ka SGB Bandung, nuluykeun ka SGA, simpulan taun 1957. Taun 1959 akhir Kursus B I Basa Sunda, neruskeun ka IKIP (UPI ayeuna) Jurusan Bahasa jeung Sastra Indonesia, lulus taun 1969.
Kungsi jadi guru Sekolah Dasar di Tasikmalaya, guru SMEP di Bandung, Tasikmalaya. Taun 1964-1969 jadi Sekertaris Jurusan Bahasa dan Sastra Indonesia IKIP Bandung Ekstension Tasikmalaya.Taun 1970 jadi Ketua Jurusan Bahasa dan Sastra Sunda IKIP Bandung Ekstension Tasikmalaya. Ti taun 1971 pindah ka Bandung cekel gawé di Kantor Wilayah Departemen P dan K Propinsi Jawa Barat Bidang Pendidikan Masyarakat.
Di sagigireun peran dinesna Tini aktif dina Bidang penelitian basa jeung sastra Sunda. Hasil penelitianana nu geus diterbitkeun nu geus diterbitkeun ku Pusat Pembinaan dan Pengembangan bahasa, nya éta D.K. Ardiwinata, Sastrawan Sunda (1976) jeung Yuliana Sastrawan Sunda (1979). Hasil penelitian sejenna, nya mangrupa hasil gawe babarengan jeung peneliti séjénna, nya éta: Undak-usuk Basa Sunda (1977), M.A. Salmun (1978) Biografi dan Karya Sastrawan Masa 1945-1965 (1979), Struktur Cerita Pantun Sunda (1980), biografi dan karya Haji Hasan Mustapa (1981), Sastra Lakon dalam Bahasa Sunda (1982).
Tini mimiti nulis dina basa Sunda taun 1959. Tulisanana mangrupa carpon, sajak jeung bahasan. lian ti éta Tini ogé loba narjamahkeun hasil sastra asing kana basa Sunda, boh carpon boh sajak.
Karanganana sumebar dina: Sipatahunan, Mangle, hanjuang, Gondewa jeung Kompas. Karyana nu geus dibukukeun mangrupa kumpulan carpon: Jurig (Kiwari Bandung 1963), disusul ku Pasea (Cupumanik, Pasuketan, Jatiwangi, 1965), Munggaran Diajar Maca jeung Nulis (1978) jeung Cepat dan Mudah (1976) ku penerbit Kancana. Nyi Karsih geus diterjemahkeun ku Ajip Rosidi kana basa Indonesia sarta dimuat dina kumpulan terjemahan carpon Sunda Dua Dukun.Taun 1982 kungsi jadi ketua Paguyuban Sastrawati Sunda PATREM. Tina: Nyi Karsih. Penerbit: Rahmat Cijulang 1983.