Kacaturkeun di Karajaan Galuh. Anu ngaheuyeuk dayeuh waktu harita teh nyaeta Prabu Barma Wijaya Kusumah. Anjeuna boga permaisuri dua. Nu hiji Dewi Naga Ningrum ari nu kadua Dewi Pangrenyep. Harita duanana keur kakandungan.
Barang nepi kana waktuna, Dewi Pangrenyep ngalahirkeun budak lalaki kasep jeung mulus, dingaranan Hariang Banga. Tilu bulan tiharita Dewi Naga Ningrum oge ngalahirkeun diparajian ku Dewi Pangrenyep, orokna lalaki deuih. Tapi ku Dewi Pangrenyep diganti kuanak anjing, nepi kasaolah-olah Dewi Naga Ningrum teh ngalahirkeun anak anjing. Ari orok nu saestuna diasupkeun kana kandaga dibarengan ku endog hayam sahiji, terus dipalidkeun ka walungan Citanduy
Nyaho kaayaan kitu, sang prabu kacida ambekna ka Dewi Naga Ningrum. Terus nitah ki lengser semoga maehan Dewi Naga Ningrum, karena dianggap geus ngawiwirang raja pedah ngalahirkeun anak anjing. Dewi Naga Ningrum dibawa ku lengser, namun henteu dipaehan. Ku lengser diselongkeun ka leuweung nu jauh ti Dayeuh Galuh.
Ari kandaga anu dipalidkeun tea, nyangsang dina badodon tataheunan lauk aki jeung nini Balangantrang. Barang aki jeung nini balangantrang neang tataheunana, kacida bungahna meunang kandaga teh. Leuwih-leuwih sanggeus nyaho yen dijerona aya orok lalaki anu mulus tur kasep. Gancang budak teh dirawu dipangku, dibawa kalemburna nyaeta lembur ricuh sunten sarta diaku anak.
Kacaritakeun budak teh geus gede. Tapi masih keneh can dingaranan. Hiji poe budak teh milu ka leuweung jeung aki Balangantrang. Nenjo manuk nu alus rupana. Nanyakeun ka aki balangantran ngarana eta manuk dijawab ku si aki, eta teh ngarana manuk ciung tuluy nenjo kera. Nanyakeun deui ngarana. Dijawab deui ku si aki, eta teh ngarana wanara. Budak teh resepeun kana eta ngaran, tuluy bae menta biar manehna dingaranan ciung wanara. Aki jeung nini Balangantrang satuju.
Ayeuna Ciung Wanara geus jadi nu kasep sarta gagah pilih tanding. Ari endogna tea disileungleuman ku naga wiru ti gunung padang, nepi ka megarna. Ayeuna geus jadi hayam ahli anu alus tur pikalucueun.
Dina hiji poe, Ciung Wanara amitan ka aki jeung nini Balangantrang sabab rek nepungan raja di Galuh. Inditna bari ngelek hayam jago tea. Barang nepi ka alun-alun amprok jeung Patih Pura Wesi katut Patih Pura Gading. Nenjo Ciung Wanara mawa hayam andal, eta dua patih ngajak ngadu hayam. Ku Ciung Wanara dilayanan prung wae hayam teh diadukeun. Hayam patih eleh nepi ka paehna. Patih dua ngambek, barang rek ngarontok, Ciung Wanara ngaleungit. Dua patih terburu-buru laporan ka raja.
Ari ciung wanara papanggih jeung lengser. Terus milu ka karaton. Nepi ka karaton, Ciung Wanara ngajak ngadu hayam ka raja. Duanana make tandon. Lamun hayam Ciung Wanara eleh tandona nyawa Ciung Wanara. Sabalikna lamun raja nu eleh tandona nagara sabeulah, sarta Ciung Wanara baris dijeuneungkeun jadi raja tur diaku anak.
Gapruk bae atuh hayam teh diadukeun. Lila-lila hayam Ciung Wanara teh kadeseh, terus kapaehan. Ku Ciung Wanara dibawa ka segi cibarani, dimandian nepi ka elingna. Gapruk diadukeun deui. Keur kitu datang naga wiru ti gunung padang, nyurup kana hayam Ciung Wanara. Sanggeus kasurupan naga wiru, hayam Ciung Wanara unggul, hayam raja eleh nepi ka paehna.
Luyu jeung jangjina, Ciung Wanara dibere nagara sabeulah, beulah kulon. Dijeneungkeun raja serta diaku anak ku Prabu Barma Wijaya Kusuma. Ari nagara nu sabeulah deui, belah wetan, dibikeun ka Hariang Banga.
Ku kabinekasan ki lengser, Ciung Wanara bisa patepung deui jeung indungna nyaeta Dewi Naga Ningrum.
Lila-lila reka perdaya Dewi Pangrenyep teh kanyahoan ku Ciung Wanara. Saterusna atuh Dewi Pangrenyep teh di tangkep sarta dipanjarakeun dina panjara beusi.
Hariang banga kacida ambekna basa nyahoeun indungna geus dipanjara ku Ciung Wanara. Der atuh tarung. Taya anu eleh sabab sarua saktina. Tapi lila-lila Hariang Banga teh kadeseh ku Ciung Wanara. Hariang Banga dibalangkeun ka wetaneun Cipamali. Tah, harita kaayaan Galuh jadi dua bab teh. Kuloneun Cipamali dicangking ku Ciung Wanara, ari wetaneunana dicangking ku Hariang Banga.