Senin Dulu Baru Selasa, Bismillah Dulu Baru dibaca !
Daftar Isi
Panton Aceh Bungong Bak Tangke Hana Harga Le
Bungong di aceh indah hana ban
Wate ta petoe harom lagoina
Cukop that tari oh wate malam
Oh wate siang jibedoh cahya
Cuma that sayang menyoe troh kumbang
Ladom that sayang awai binasa
Nasip si bungong lage si layang
Meu ambang2 hoe2 angen ba
Aib ka nyata wate tapandang
Tinggai kenangan lezat lam donya
Ureung cik malee bukon le wayang
Hate ka sangsi keu sinyak dara
Mahkota bungong cukop that indah
Jinoe ka teplah tinggai ingatan
Aib ka teuka hana soe papah
Sang-sang beukah mandum harapan
Oleh karna nyan wahe eu bungong
Fajar ta songsong dengon ileume
Bek sampoe hancoe kumbang pekeunong
Bungong kolam tangke hana harga le.
Panton Aceh Sayang Keu Tuboh
Sayang keu aneuk bek leupah-leupah
Bek sampoe salah jok keubebasan
Menyoe katerlanjur jipegot salah
Hanjeut le ta ilah tuboh binasa
Umu mantong 14 thon namun ka rusak
Hudep kabeukah tan le keuhormatan
Meunan dum tabaca bak media cetak
Hate geuh sukar wate taperhatikan
Pemuda/I kaleumoh dogma
Cuma kesenangan yg jidambakan
Hana jipike gadoh harapan
Tan le masa depan yg jeut keu idaman
Ta jaga hai adoe marwah digata
Tajak menuntut ilme agama
Bek sampoe hudep gata celaka
Hancoe di dunia diakhirat sengsara…
