Poe teu alam, that kuasa.
Hana bandeng, deungon insan.
Meulainkan, Poe ta’ala.
Hana makhluk, yang na saban.
Cipta Tuhan, dalam dunya.
Walau ubeut, handeuh bayang.
Beh lam kubang, dum sineuna.
Deungon gaseh, tan bandengan.
Laku saban, ateuh hamba.
Tiep peuneujeut, uleh Rabban.
Meuwoe manusia, keudeh teuma.
Nyang teuleubeh, beuneutuban.
Keu lakuan, insan.
Seubab leubeh, Muhammadan.
Nek tu adam, deungon hawa.
Tanyoe hai chik, leubeh pandran.
Weub guransang, kolam maulana.
Keu peungikot, umat islam.
Kalam Qur’an, sep meumakna.
Kon lam dunya, leubeh faham.
Singoh teuman, nyan cit sama.
Umat Nabi, laen kolam nyan.
Kureung beukai, akhe abad.
Deungon seubab, lagee meunan.
Ingat insan, suroh beuna.
Suroh teugah, keujahatan.
Laku tafham, geuyue keurja.
Peulom jinoe, taeu bak sang.
Umat islam, macam rupa.
Bak KTP, tuleh hinan.
Laen yang tan, laris suka.
Seubab jameun, ujong sikhan.
Karab leukang, jeut dunia.
Maka ka deuh, bak ta pandang.
Macam macam, mita dosa.
Mita dosa, mangat han ban.
Canda wayang, kadang keuka.
Meuyang brat hek, talakukan.
Buet amalan, talet fahla.
Na yang ladom, abuwa hai.
Geubloe seb jai, akan dosa.
Cunto taboh, keu minuman.
Arak khamar, tiep tiep masa.
Laen judi, peulacuran.
Meunyan seb jai, bak takira.
Tapi ek cit, geubeoh pangkai.
Dak meu umpang, peng geurela.
Tapi meunyoe, suroh Tuhan.
Peugah utang, bayeu lusa.
Jeut peuintreut, geulakukan.
Ladom geufham, jeut oh tuha.
Mita fahla, hanpeu pangkai.
Peng meukuyan, cit tan harga.
Cuma tuntut, peungajian.
Tajak paban, kolam ulama.
Teulheuh hinan, jeut ta sumbang.
Keu giatan, ban nyang suka.
Ka tatupue, haleu haram.
Hanroh tacang, bak meudosa.
Ingat e cut, ho cupoe nang.
Seugoh badan, lam keureunda.
Jak tapubuet, suroh Tuhan.
Yang geularang, beoh lam paya.
Keurna singoh, hanjeut riwang.
Oh nyawong tan, deungon jiwa.
Adak tamoe, taklik ceukang.
Hanle sayang, hai saudara.
Jeh keu watee, ka geupulang.
Geujok pangkai, yoh lam dunya.
Tapi tanyoe, laku cit han.
Maka hinan, roh lam siksa.
Na tapubuet, uroe malam.
Tanyoe seunang, lam syuruga.
Tan tapubuet, ingat taulan.
Apui teulan, lam nuraka.
Krue seumangat, putik seuntang.
Patah sikhan, safhan safa.
Seugoh patah, mat beurijang.
Yoh goh jitran, jeut keu suwa.
Ee hai aduen, wareh kalam.
Beh ka sep hai, oh noe rika.
Adak leubeh, ulon karang.
Tansoe teulan, malam jula.
Meuka meunan, meuah taulan.
Ngon wassalam, akhe haba.
Pat nyang salah, neubeunarkan.
Maklum e kakak, neubeut hana.
 |
| Ca’e Aceh Galau Haba Peingat, Peugah Utang Bayeu Lusa |