Assalmu’alaikom warah matuhu
Barat ngon timu yg ka meusapat
Saleum lam bareh yg that meusyuhu
moga di tungku jaweup le leugat..
/
Hajat loen tuleh lam sikrek buhu
Haba indatu ngon cara singkat
Pakiban lazem lam donya ta eu
Bukon rabutu loen tuleh riwat..
/
Meunoe yg lazem kayem dum ta eu
Payah so tupu pubut ibadat
Oh rap meukawen ka meusyen nafsu
di sinoe ta eu ureung yang taubat.
/
Seubab kameuhad keu ranup gapu
Hate ka rindu keu bungong langsat
Di wali nikah pih leupah lucu
Di likot tungku ta eu saleh that.
/
Hajat meu tanggoh ka sampoe umu
Di wali laju peuleumah taubat
Oh tan sembahyang kadang han laku
Ie ja keulumbu tuha lam lipat..
/
Oh lheuh peukawen meulaen buhu
Di wali ta eu tan lee ibadat
Tan lee sembahyang di likot teungku
Sebab ka laris ija falikat.
/
Sembahyang leugat takot keu tungku
Supaya gop eu, penikah legat
meunan keuh macam ragam dum ta eu
Peuturot nafsu beu ek trok hajat
/
Hana lee meuri pade simeulu
Karoh meujampu ngon pade leukat
Hana lee beda cuka dengon cu
Arak ngon madu jikheun keu ubat.
/
Katrok kolam kurun meuputa iku
Agama ta eu maken sepi that
Narit ji peugah leupah that maju
Hadist meutabu lagi ngon ayat,
/
Hukom lam naggroe meugawo laju
Adak na teungku pih han ek teupat
Oh mate ayah hana jeut kul hu
Adak na teungku han jeut ta harap
/
Meunasah jroh jroh jino ka seungu
Kameng ngon keubu keunan meusapat
Dalam meuseujid lazimseugu
Jikheun ka bateu uroe jeumeu’at
/
Jikheun ka salah kutubah teungku
Karoh geu jampu caci ngon upat
han lee usulan ibadat geuyu
Nyan keuh jeut seungeu uroe jeumeu’at.
/
Akhirat kalam uloen ber seru
Ayah dan ibu karip keurabat
Mari bareng tagisa laju
Ban yg ka geuyu pubut ibadat.
/
Meuseujid jroh jroh bek tapeu sengu
Beu tapeu makmu uroe jeumeu’at
Beulapang da-da teungku ngon teugku
Beujeut keu lampu so peutrang ayat..
/
Oh noe meumada haba sigeutu
lam sikrek buhu, moga mamfaat
Meupat na cupa maklum hai tungku
Maklum tan hayeu nibak meuriwat.
Barat ngon timu yg ka meusapat
Saleum lam bareh yg that meusyuhu
moga di tungku jaweup le leugat..
/
Hajat loen tuleh lam sikrek buhu
Haba indatu ngon cara singkat
Pakiban lazem lam donya ta eu
Bukon rabutu loen tuleh riwat..
/
Meunoe yg lazem kayem dum ta eu
Payah so tupu pubut ibadat
Oh rap meukawen ka meusyen nafsu
di sinoe ta eu ureung yang taubat.
/
Seubab kameuhad keu ranup gapu
Hate ka rindu keu bungong langsat
Di wali nikah pih leupah lucu
Di likot tungku ta eu saleh that.
/
Hajat meu tanggoh ka sampoe umu
Di wali laju peuleumah taubat
Oh tan sembahyang kadang han laku
Ie ja keulumbu tuha lam lipat..
/
Oh lheuh peukawen meulaen buhu
Di wali ta eu tan lee ibadat
Tan lee sembahyang di likot teungku
Sebab ka laris ija falikat.
/
Sembahyang leugat takot keu tungku
Supaya gop eu, penikah legat
meunan keuh macam ragam dum ta eu
Peuturot nafsu beu ek trok hajat
/
Hana lee meuri pade simeulu
Karoh meujampu ngon pade leukat
Hana lee beda cuka dengon cu
Arak ngon madu jikheun keu ubat.
/
Katrok kolam kurun meuputa iku
Agama ta eu maken sepi that
Narit ji peugah leupah that maju
Hadist meutabu lagi ngon ayat,
/
Hukom lam naggroe meugawo laju
Adak na teungku pih han ek teupat
Oh mate ayah hana jeut kul hu
Adak na teungku han jeut ta harap
/
Meunasah jroh jroh jino ka seungu
Kameng ngon keubu keunan meusapat
Dalam meuseujid lazimseugu
Jikheun ka bateu uroe jeumeu’at
/
Jikheun ka salah kutubah teungku
Karoh geu jampu caci ngon upat
han lee usulan ibadat geuyu
Nyan keuh jeut seungeu uroe jeumeu’at.
/
Akhirat kalam uloen ber seru
Ayah dan ibu karip keurabat
Mari bareng tagisa laju
Ban yg ka geuyu pubut ibadat.
/
Meuseujid jroh jroh bek tapeu sengu
Beu tapeu makmu uroe jeumeu’at
Beulapang da-da teungku ngon teugku
Beujeut keu lampu so peutrang ayat..
/
Oh noe meumada haba sigeutu
lam sikrek buhu, moga mamfaat
Meupat na cupa maklum hai tungku
Maklum tan hayeu nibak meuriwat.
 |
| Panton Aceh Oh Rap Meukawen Ka Meusyen Nafsu |