tanoh iskandar, yang mat keurajeun.
dithee le musoh, troh nibak jeupang.
nanggroe sep keujam, kolam kurun jameun.
Han pirang pirang, reubot peukateun.
beulanda paleh, yang phon that keujam.
tanoh dijak cang, ngon ujong peudeung.
ateuh peudalam, di musu tam tum.
Pahlawan aceh, beuhoe ngon tungang.
seunalop badan, bagoe hanlhuet ceung.
keuheundak Tuhan, hana di makeun.
keubai di tuboh, meuaroh keurang.
Cit han sampoe lham, aneuk ie dadeung.
ateuh barisan, aceh yoh jameun.
bandum na beukai, kalam Al-Qur`an.
uroe ngon malam, sit nyan geumakeun.
ngon Ilmee tubuh, nanggroe geupeutheun.
bak jaroe kafee, hanjeut meuligan.
walau tantangan, meucabeung cabeung.
seumpat lon tuan, meucici hindreun.
sinan meutuleh, nibak kala prang.
di simpang mamplam, kafetaria geucakeung.
oh tei geuhadang, musoh geusintheung.
teunteura morses, hayeu kon wayang.
ek sit geupeulham, ngon sikrak peudeung.
sinan geucang cang, rap bineh uteun.
ureung kuramat, jumeulah lapan.
hanpue di musuh, abad nyan aduen.
kageucok pulang, laju bak nyan jeum.
troeh dari timu, laen santunan.
gob nyan diseurang, lagee sang ujeun.
tungku di lapan, ka syahit bandum.
Padum na seudeh, aceh masanyan.
ureung di sayang, duroh kolam cabeung.
banda ngon medan, wahe e aduen.
di cot geulungku, neupiyoh sinan.
Na keuh teupampang, saksi ban mandum.
roet simpang matang, tawet keuh uneun.
bak sang meumada, nyoe saboh karang.
deungan wassalam, jinoe ulon leung.
Maklum tan pangkai, haba ulon kheun.
haba lon deungoe, bak ureung awai.
di ateuh rangkang, kolam jambo neuheun.
Keu nanggroe aceh, tanoh sep leo prang.
deungan fhui gateh, watee di seurang.
watee di timbak, kanibak badan.
nyan ban keuramat, leo dum pasukan.
ulama aceh, geubri pemberian.
dalam seujarah, na saboh karang.
nibak masa nyan, tungku di lapan.
meuploh droe mate, musoh lam reugam.
namun keuheudak, kanibak Tuhan.
hana trep lawet, bandum meuninggai.
miseu na neujak, meujalan jlan.
jak samalanga, tamong u dalam.
meupat na salah, meuah lon tuan.
 |
| Panton Aceh Tanah Rencong Nanggroe Pahlawan |