eungkot cuka, dhuep-dhuep jantong
lon neuk peugah, dongeng cinta
agam dara, lon neuk kunjong
Dalam kisah, rawi rika
neuci baca, hai rakan long
galak leumpah, meu-en cinta
peugah haba, dalam jurong
Adek Cut Marya, tari rupa
jak sikula, dilhok nibong
ngon bang dolah, meu-en cinta
ureung kaya, toke jagong
Galak leumpah, saban cinta
hana dawa, uram ujong
di bang dolah, akad jiba
simpulan kula, nikah langsong
Adek Cut Marya, seunang raya
deungoe haba, toke jagong
jeumot leumpah, jak sikula
senang, leupie jantong
Bungoeng cidah, patah duwa
ukheu bungka, bungong murong
ka meu ubah, kisah cinta
kajeut dawa, uram ujong
Janji nikah, yoh nyan duwa
ka ji tunda, toke jagong
kakak dolah, tulak cinta
gara-gara, mabok bakong
Adek Cut Marya, seungkak dada
sang keucewa, rap saboh rong
teuka teulah, ube raya
hate goga, saket jantong
Sapue tan pah, ta keurija
cerita cinta, putoh ujong
adek aisyah, rhet ie mata
bebe raya, rhet ie hidong
Hate sulit, malam jula
mendeurita, yang ta tanggong
adek aisyah, hate luka
ube raya, ka jiranggong
Aneuk siwah, cong kolam pala
cong meuria, uleu seudong
dibang dolah, rilek saja
laen dara, geuneuk sambong
Hana susah, dalam jiwa
cerita cinta, puta arong
bagah-bagah, peugah cinta
bak dek tia, awak geudong
Lagak wajah, adek tia
tari rupa, hidong mancong
ngon dek aisyah, jioh beda
taeu rupa, meuhi lutong
mata siblah, ube raya
Malam jula, meuhi burong
beda leumpah, ngon dek tia
blek-blek mata, laju dilong
‘oh noe dongeng, lon peumada
Kisah positif, bukon eumbong
nyo na salah, dalam rika
meuah sigra, hai peungunjong.
 |
| Panton Aceh Lucu Cut Marya Ngon Bang Dolah Meu-en Cinta |