Panton Aceh
Saket Ulee Lon di Peungeut
Saket ulee, mata teungeut
Saleh peujeut, teuhieng gusi
Mungken alasannya adalah, pajoh ranuep
Saboh tubuet, ata nek bi
Oh lon pike, haloh bacuet
Lon meuranteup, lua nanggri
Kabeh publoe, pade jakeut
Mandum kuseut,han padoli
Demi cinta,keu adek cut
Bah meutumuet, lon sayangi
Harapan lon,bek dipeungeut
Beujeut keubuet,cok keu istri
Sabe lon yue, jak bak neubeut
Jroh e’tikeut, baek budi
Bek ji teumeung, agam jeuheut
Luweu disuet, jiploh gunci
Sithon tempo, hai apacut
Bak tanggai peut, lon di taki
Jipugah droe, saket lam pruet
Saleuh peujeut, tan jitukri
panton aceh saket ulee
Ulon tanyoeng, leumah leumbut
Pakon dek cut, pue terjadi
Pue na geupoh, nibak neubeut
Na geusinuet, uleh abi
Jiduek seungap, tan dijaweub
Han diteujeut, sang nibak hi
Lon kirem peng, sijuta peut
Nak puleh pruet, jak bak meuntri
Timoh lam glee, meudang jeubeut
Miseu oen kruet,mubee wangi
Ci neubaca,beu meusaneut
Pue ulon yuep, neu peurati
Nyoe ho katroh,ratoh ku seut
Ka meu reut-reut, puta-putie
Sang han mangat, ulon teungeut
Ingat dek cut, saban hari
Bak sang lon woe, hate meuheut
Han ek kaluet, luwa nanggri
Ek peusawat, meuhat poh peut
Troh u punteut, malam hari
Bak lon kalon, sang teugancheut
Si adek cut, lon cinta
Pakon dijih, ka raya pruet
Meusoe mubuet,sak boh campli
Kalheuh kawen, canden pocut
Bak rumoh beut, geunikahi
Wap geutumee, diyuep bak kruet
Maen puep-puep, ngon si ADI
Saket hate,hanjut keubut
Tega dek cut,ji meulani
Sampe hate, lon di peungeut
Ulon di seut, racon dibi
Kasep oh noe, jaroe kuweut
Kabeh daweut, pena ini
Pue tatuleh, bareh santeut
Tan soe jaweub, lon tan andal.
 |
| Panton Aceh Saket Ulee Lon di Peungeut |