Loen Neuk Peu Sampoe, Bacut Nasehat – Teks Ca’e Aceh
Alhamdulillah, Allah yang sidroe
Yang peujeut bumoe, laot ngoen darat
Neubi ya Allah, rahmat beu sampoe
Keu nabi dudoe, panghule ummat
Seulawet saleum, mandum sahbat droe
Nyang meugrak jaroe, kolam geu meujihat
Nyang rela mate, kafetaria geu eungkhoe
Beujroeh ngoen nanggroe, deungoen martabat
Meu ikoet saleum, teuma loem dudoe
Cahaya nanggroe, ulama meuhat
Moga beu seuhat, mangat ngoen asoe
Beu euk geupakoe, mandum wasiat
Saleum seujahtra, hana ciet tuwoe
Keu gure rampoe, ca’e hikayat
Seumoga gure, beu mangat asoe
Nibak neu pakoe, reusam ngoen akhlak
Izin hai guree, rawi loen pasoe
Loen neuk peu sampoe, bacut saran
Beureukat lahe, panghule nanggroe
Pileh rakan droe, teuh keuh nyang meuhat
Saban ta teupu, abu ngoen adoe
Nibak buleun nyoe, molot ka meuhat
Ureung khanduri, meu macam bagoe
Daloeng meu asoe, deungoen bulukat
Na nyang sie lumoe, kameung pieh geubloe
Manok meukilo, pieh na geu ikat
Seunang meulumpah, leumah deuh keudroe
Harap ridha poe, deugoen syafaat
Teuman hai tungku, debu ngoen adoe
Pakiban bagoe, jinoe leumah krat
Puka meumada, ci kira sigoe
Meugah that tuloe, rantang ta intat
Keu hai peudoman, hudep lam nanggroe
Geutanyoe laloe, hana ta ingat
Peudoman hudep, han tateum siboe
Nibak nabi droe, tacok manfaat
Tan guna daloeng, meugloeng ngoen asoe
Nibak nyan uroe, ka tajak intat
Tapi nibak buet, geut that meupaloe
Mandum suroeh poe, tateum peu leuwat
Ka nibak babah, allah loen sidroe
Ka nibak asoe, panghule meuhat
Ujoeng meutuka, meuraba duroe
Ka salah peutoe, kolam jalan sesat
Phoen lahee nabi, suci deuh bagoe
Tanyoe geupakoe, phoen that geu ingat
Geu kheun ummati, sampoe troeh lhei goe
Siat han tuwoe, adak beurang pat
Tanyoe geugaseh, puteh lam asoe
Tan meu si uroe, geuteum peuleuwat
Dak grah deugoen deuk, meukloek ngoen asoe
Sagai han tuwoe, do’a geu intat
Sidum nan sayang, tabayang keudroe
Sampoe an jinoe, tapikee siat
Pukeuh akhir, nyang tabi jinoe
Nibak geutanyoe, ci pikee siat
Beuk keuh tabalek, patek oen kiroe
Jalan tagantoe, tatuka kiblat
Pukeuh ta ikot, nabi nyang dudoe
Atau aduen droe, wahabi selesai
Geutanyoe islam, rakan beuk tuwoe
Beu ta ikat droe, bak buet akal bulus
Ta pubuet suroeh, peujioh kheun poe
Meubeuk tapeutoe, nibak buet laknat
Ta ikoet nabi, peu meuri jinoe
Beuk jeut meupaloe, o’h singoeh meuhat
Beuk salah jalan, rakan ta gilhoe
Karoeh meucawoe, dalam buet kaplat
Haba deungoen buet, ta peukap sigoe
Meubeuk meugantoe, beu that pieh siat
Meubeuk agama, ta tuka takoe
Hukoem tapubloe, kolam kiloe ta lhat
Ka nibak lafai, nabi han tuwoe
Bak buet ka bakhoe, leumah meukilat
Pu guna rakan, nyoe meunan bagoe
Hukoem tasiboe, pileh nyang mangat
Ta ikoet nabi, peumeuri jinoe
Mandum suroeh poe, beuk tapeuleuwat
Wajeub ngoen sunnah, teula’ah sigoe
Beuk yoe keu rugoe, wab tateum ta’at
Ajaran nabi, suci han bagoe
Hana meucawoe, hadist ngoen ayat
Teuman wahabi, meuri deuh keudroe
Kayeum di cawoe, ban ban yang mangat
Kakeuh meumada, rika loen pasoe
Meuseubab teumpoe, bae’t ka siap
Leubeuh ngoen kureung, uloen leung jaroe
Nibak guree droe, me’ah loen intat.
 |
| Loen Neuk Peu Sampoe, Bacut Nasehat – Lirik/Teks Ca’e Aceh |